Sunday, November 1, 2020

ටිකිරා අයියාගේ සමපොෂ සංග්‍රහය.

 ටිකිරා අයියාගේ සමපොෂ සංග්‍රහය.      

2014-10-26 වෙනිදා මම මගේ බ්ලොග් පඩංගුවේ පොඩි කතන්දරයක් ලියනවා. ඒත් ඒක එදා ඉවරකරගන්න උනේ නෑ දෙවනි කොටස ලඟදිම දාන්නං කියලා තමයි කිව්වෙ. ඉතිං මං මේක අවස්ථාවක් කරගන්නවා . ඒ කතන්දර ඉතුරු ටිකත් කියලා දාන්න.

මේ සිද්දිය උනේ දෙදාස් හත අවුරුද්දේ වගේ මේ අවුරුද්ද වෙනකොට අපි කැම්පස් එකේ හතර වසරට ඇවිල්ලා හිටියේ. මේකට මූලික වෙච්ච හාදයෝ දෙනන්නෙක් ඉන්නවා. එක්කෙනෙක් මේ උඩින් නම සඳහන් ටිකිරා අයියා. ටිකිරා  අයියා කියන්නේ අපේ හොස්ටල් එක ගාව පොඩි කෑම/තේ කඩයක් දාගෙන දැහැමින් සෙමින් වෙළදාමක් කරගෙන ඉන්න අහිංසක මනුස්සයෙක්. මේ මනුස්සයගේ කඩේ ගාව ඉඳන් හොස්ටල් එකට මීටර් හැටක් හැත්තෑවක් ඇති. හැබැයි ඒ අතර තුර ඉඩං කෑල්ලේ තියෙන්නේ සොහොන් පිට්ටනියක්.

මගේ කතන්දරේ ප්‍රධානම චරිතය තමයි මගේ අති පජාත මිත්‍රයෙක් වෙච්ච ජේපී (නුවර, බොක්කාවල, පට්ට ඩොටේ උංගෙ ගෙදර ඉඳන් ඇවිත් මාව සමූල ගාතනේ කරලා, අතපැන් වත්කරලා ඕ නෑ නෑ මතක වස්ත්‍ර පූජකරලා අනිචිචාවත සංකාරා උප්පාද වයදම්මිනා කියලා, මගේ හත්දොහේ දානෙත් දීල හොඳවයින් බනකුත් කියලා යනබව දන්න හින්දා මනුස්සයගේ සැබෑ නම කියන්නේ නෑ.. අහන්නත් එපා, නෑ .. කිව්වොත් නෑම තමයි.) .

ඉතිං ඔන්න දෙදාහස් හතේ දවසක, ඉරත් බැහැගෙන යන හවසක. හොස්ටල් එන මාවතේ අතරමග. ජේපී යි මායි මූණට මූණ මුලිච්චි වෙනවා. මං උගේ මූණ දිහා බැලුවා ඌ මගේ මූණ දිහා බැලුවා. දෙන්නට දෙන්නා තේරුං ගත්තා දෙන්නගෙම හිතේ තියෙන්නේ එකම එක අදහස කියලා. ඒවට කියන්නෙ සංසාරගත බැඳීම් සහ අනොන්‍ය අවබෝධය කියලා. කතාබහක් නැතුවම දෙන්නම පර්ස් අරගෙන බැලුවා අතේ මිටේ කීයක් තියද කියලා, චැහ් ඔක්කොම  එකතු කරත් බාගයක් ගන්නවත් මදි. මොකද කරන්නේ දෙන්නම බොක්කුවක් උඩ වාඩිවෙලා බුලත් විටේ තිබ්බ පුවක් කෑල්ලක් දෙකඩ කඩාගෙන හපන ගමන් කල්පනා කරා.

අපි අලියෙක් බලමු..

ඒ ජේපී ගෙ වචන. අනේ ඉතිං අලියෙක් බලන්න ච්චර වියදමක් යන්නේ නැති හින්දා අලි පැටව් තුන්දෙනනෙක්ම ලඟ පාත තිබ්බ බේත් බඩු කඩෙන් අරගත්තා. හෝව් හෝව් හොව් මං ඔහෙලා අනාත කරනෝනේ අලි බලනවා කියන්නේ අරකට, අරකට කියන්නෙ යොදයෝ අර ගුලි කන එකට. ඒකාලේ  අලි පැට්ටෙක් ඒ කිව්වේ ගුලියක් රුපියල් දහයක් හරි පහලොවක් හරි විස්සක් නං උනේ නෑ. ඉතිං ඕකට ඕන අඩුම කුඩුම විදියට තව චොකලට් එකකුත් මිලදී අරගෙන ආයේ හොස්ටල් එක ගාව තිබ්බ ගල් වට මේසේ වාඩි උනා.

දැං ඉතිං අලි පැටව් එකාමාර ගානේ දෙන්න එක්ක බෙදාගෙන ඒවා උඩු තල්ලෙ අලෝගෙන ඒවා හිමින් හිමින් දියවෙනකං බලාගෙන ඉන්නවා. විනාඩි විස්සක් විතර යද්දි වැඩේ සේප් දැං වතුර එකකුත් බීලා කටත් හෝදගෙන මුකුත් නොවිච්ච ගානට ඉන්නවා (ඉන්න ට්‍රයි කරනවා ඉතිං) ටික වෙලාවක් ඔහොම හිටියට කාටවත් මුකුත් වෙනසක් නෑ. ඉතිං අපි ටිකිරා අයියගේ කඩෙන් වැඩිසීනි ප්ලෙන්ටියකුත් ගහලා ආයේ හොස්ටල් ආවා. ටික වෙලාවකින් ආයේ වෙනසක් නැති හින්දා අර චොකලට් එක කන්න යෝජනාවක් ආවා. අනේ ඉතිං හරියට වෙලාව බැලුවනං විනාඩි විස්සක් විතර ට්‍රයි කරලා චොකලට් කොලේ ගලෝගෙන ඒකත් බෙදාහදාගෙන කෑවා. දැංනං බොලේ යංතං වැඩේ සෙට්, අපි උන්නු තැනින් බලු කුක්කෙක් ගියත් ඌත් එක්කත් හොඳට හිනා වෙන ලයින් එක. එදා එතනින් බල්ලෝ, පූසෝ හරක් පවා නැවතිලා අපි එක්ක හොඳට හිනාවෙලා ගියා. උන්ට කොහෙම වෙතත් අපි දෙන්නට හරි සතුටුයි.

ටිකක් රෑ වීගෙන එද්දි බඩ පනුවෝ පිකටින් කරන්න ගත්තා දියව් දියව් කන්න දියව් කියලා ඒක ඉවසගන්න බැරි කුසගින්නක් දෙන්නත් එක්කම ආයේ ටිකිරා අයියා හොයානෙ ගියා. එතන මෙසේ දෙන්නත් එක්ක වාඩිවෙලා මූණට මූණ බලාගෙන ඉන්නවා ටිකිරයියගේ මූණ බලනවා හිනාවෙනවා. උපන්දා ඉඳන් මහපොලව එක්ක ඔට්ටුවෙච්ච, කැම්පස් එක පටන්ගත්ත දා ඉන්දන් ඒකේ ඉන්න අයියලත් එක්ක ඉහගහගෙන උන්නු ටිකිරා අයියට පටස් ගාලා වැඩේ මීටර් උනා.

ඉතිං ටිකිරයියා මුලින්ම පොල් කේක් කෑලි ටිකක් ගෙනැල්ලා මේසේ උඩින් තිබ්බා අපි ඒක කන ගමන් සමපොෂ පැකට් එකක් හදලා දෙන්න කියලා කිව්වා. ඉතිං ටිකිරාඅයියගේ වයිෆ් අක්කා දඩිබිඩිගාලා පොල් ගාලා සමපෝෂ පැකට් එකක් හදලා දුන්නා ඒක ටිකක් කකා ඉන්නකොට අනේ මේ අහිංසක ජේපී ට කොල් එකක් ආවා. ඌ පොන් එකත් කනේ ගහගෙන එලියට එන අතරේ මම තව සමපෝෂ එකක් දාන්න කිව්වා. ඒක ඉවරවෙනකොට තව එකක්. ඒකත් කාලා පජලට ගෙනියන්න කියලා තවත් සමපෝෂ පැකට් එකක් හදලා කඩේ තිබ්බ පාං බාගෙකුත් කාලා අර සමපෝෂ පාර්සලෙත් අරං හොස්ටල් එන්න ආවා. ඒත් ඉතිං මගට එනකොට මට ආයේ බඩගිනියි පාර අයිනේ ගලක් උඩ තියාන ඒ පාර්සලෙත් දිගෑරගෙන කාලා රූම් එකට ආවා.

අනේ චුට්ටක් අඳේ දිගාඋනා විතරයි මුලු ලෝකේම මගේ ඇගට කඩා පාත්වෙන්න ගත්තා. මහා රාස්සයෙක් ඇඟට කඩා පාත්වෙන්න වගේ සීලින් ෆෑන් එක කැරකෙනවා. බිත්ති ඔරලෝසුවේ ටික් ටික් සද්දෙ බිත්ති වලට ගහන කුළුගෙඩි පාරවල් වගේ ඇහෙන්න ගත්තා, ඒ එක්කම සොහොන් පිට්ටනියෙ ඉඳන් ඒකේ වලදාපු මිනී වලෙන් නැගිටලා කාමරේ බිත්තිය දිගේ මගේ දිහාවට එන්න පටන් ගත්ත. ඒ එක්කම ඇදේ ඉඳන් බිම බැලුවම එතන මහා අගාධයක් චුට්ටක් එහෙමෙහෙ උනොත් ඒකට මං වැටෙයි කියලා හිත කියන්න ගත්ත. ඕනි දෙයක් වෙච්චාවේ කියලා ඇඳමුල්ලෙ ගුලිම ගුලි වෙලා කොට්ටෙන් ඇඟම වහගෙන නිදා ගත්තා.

උදේ පාන්දර කවුදෝ යටි ගිරියෙන් කෑ ගහන සද්දෙට ඇහැරුනේ. දුවලා ගියා ඉතිං ඒ පැත්තට. ඒ වෙලාවේ සේට් එකක් එකතු වෙලා ටොයිලට් එකේ දොර ගලවන්න හදනවා. කාගෙද කකුලක් දොරට යටින් එලියට ඇවිල්ලා දොර ගලෝලා  බැලින්නං අනේ = මගේ අතිජාත අහිංසක මිතුරා ජේපී ටොයිලට් එකක් ඇතුලේ කක්කි දාන්න වාඩිවෙච්ච ගමන්ම වැටිලා සනීපෙට නිදි. කට්ටිය කලබල වෙලා මනුස්සයා උස්සල ගන්න හදනකොට ඕං ඇහැරපි මේකා. වතුර පාරක් එහෙම අල්ලලා මූව හෝදලා එහෙම ගත්තට පස්සේ මූ අම්මාමෝ නැතිව බයින්න පටන්ගත්තේ නැතෑ උගේ සැප නින්ද කැඩුවා කියලා. හැක් හැක්  

(පස්සේ ටිකිරයියගේ බිල ගෙවන්න ගියාම තමයි තේරුං ගත්තේ ණය වෙලා හරි බාගයක් ගැහුවනං සේප් නේද කියලා)

 


-විදානේ-

Tuesday, August 14, 2018

නාය.... (කෙටිකථාව)

පිදුම - ආදරණීය විචාරකට


*******************************************************************************
නාය....

ඇය අතැති තේ කොප්පය දැං  සීතල වී බොහෝ වේලාය. එහෙත් ඇය එය හෙමින් හෙමින් තොල ගාමින් එපිටින් පෙනෙන ගොඩනැගිල්ලෙන් පහතට බසින තරප්පු පෙළ දිහා නෙත් යොමාගෙනය. ඇසි පිය ගසන්නට හැර ඇය එයින් නෙත් වෙනතක නොගත්තාය. ඇය කිසිවෙකුගේ පැමිණීමක් බලාපොරොත්තුවෙන් සිටිනා බව දකින ඕනෑම අයකුට වටහාගත හැක. ඇය සිටින්නේ ඇගේම කාර්යාලයේ ආපන ශාලාවේ කාර්යාල ගොඩනැගිල්ලේ තරප්පු පේලිය හොඳින් පෙනෙන මේසයකය. එම මේසය මත ඇය මිතුරෙකුගෙන් ඉල්ලා ගත් හෙල්මටයක් ද විය. කාලය විනාඩි තිහ හතලිහක් පමණ ගෙවෙද්දී ඇය සෙවූ රුව කාර්යාලීය උඩු මහලින් මහත් කලබලයෙන් පහලට බහින්නට විය.

ඔබ සිතුවා නිවැරදිය ඒ කලබලයෙන් පහලට බැස්සේ ඇයගේ පෙම්වතාය. ඇත්තම කිව්වොත් මීට සතියක් හමාරක් වෙනකං ඇයගේ පෙම්වතාය. හේතු කාරණා කිසිත් නොදන්වා ඇගෙන් වෙන්ව යන්නට සැරසෙන පෙම්වතාය. පසුගිය සතියක පමන කාලයේදී ඇයගෙන් කට්ටිපැන්න  පෙම්වතාට අද නම් ගැලවීමක් නොවුනි. ඔහු යතුරු පැදිය හරවා පනගන්වන්නට හදන විට හෙල්මටයකුත් හිස පැළඳි ඇය එහි පසුපසින් වාඩිවීය.  

"විකාර නැතිව බහින්න."

"බෑ.."

"මට වැඩ වගයක් තියනවා.."

"ඉවර වෙනකං මාත් ඉන්නං.."

"හරි හරි කොහෙටද යන්න ඕන.."

"ඕන තැනකට.."

ඇයත් සමග වාදයකට යාමේ  තේරුමක් නොමැති බව දැනගත් ඔහු යතුරු පැදිය පනගන්වා සෙමින් ඉදිරියට පදවන්නට විය. 

මෙම ආයතනට ඇය රැකියාවට පැමිණියේ මෙයට වසරකට පමණ පෙරදීය. ඉන් මාස දෙක තුනකට පමන පසු ආයතනයේම ඉහල නිළධාරියකු වූ දිනෙෂ් ඇගේ සිත් සොරකම් කරන්නට සමත් විය. ඔහුගේ ගම නාරම්මල කිට්ටුව ගමකි ඉඩකඩම් දේපල එතරම් නොමැති උවත් උන්න්දුවෙන් සහ උත්සාහයෙන් ඔහු මෙම තත්වයට පැමිණ ඇත. 

"සල්ලියබාගේ නැතිඋනත් ඔයාට ගැලපෙනව කියල හිතෙනව නම් අපි ටිකක් ඒ ළමයා ගැන හොයල බලමු..." ඇගේ පියාගේ මේ වඳන් ඇසුනු දින ඇය සතුටින් ඉපිල ගියාය.

දිනක්  කාර්යාලයේ මිතුරකුගේ පියකුගේ අවමගුලකට ඔවුනට හදිසියේම මාවනැල්ලට යන්නට සිදුවිය. ගමනට යොදාගත් වාහනය ප්‍රමාද වී පැමිනෙන බැවින් ඔවුනට හුරු යතුරු පැදියෙන්ම මාවනැල්ලට යන්නට පිටත්වුවා ඇයට අද වාගේ මතකය. ටික වේලාවක් මලගෙදර ගතකල ඔවුන් ඉක්මනින්ම නැවත පැමිණීයේ රාත්‍රී අට නවය වනවිටවත් නිවසට පැමිනෙන්නට සිතාගෙනය. එහෙත් එදින ස්වභාව ධර්මයා ඔවුනට හරස් විය ටික දුරක් පැමිණි පසු ඇද හැලුණු ධාරානීපාත වර්ෂාව විසින් ඔවුන්ව අතරමග නවාතැන්පලක නතරකරවුනු ලැබීය. රාත්‍රියෙහි බියර් කෑන් දෙකක් හිස් කල ඔවුන් දෙදෙනා වැස්ස වලාහක දෙවියන්ට පිං දෙමින් බොහෝ සතුටින් වෙහෙස මහන්සියෙන් රැය පහන් කලහ. පසුදින උදයෙහි ලේ පැහැ ගැන්වුනු ඇඳ ඇතිරිල්ල බෑගයට ඔබා ගනිමින් ඔවුන් මහත් සන්තාපයෙන් යුතුව නවාතැන් පොලෙන් නික්මිණ.

එම සිදුවීම සිදුවූයේ මෙයිට මාස හතරකට පමණ පෙරදීය. එදා බොහෝ කෙලිදෙලෙන් යුතුව යතුරු පැදිය පදින දිනේෂ් වෙනුවට අද සිටින්නේ වෙනමම මිනිසෙකි. ඒ වෙනස ඇති වූයේ මෙයට සතියකට හමාරකට පෙර සිටය. සති අන්ත නිවාඩුවකට ගෙදර ගොසින් පැමිණි දිනේෂ් හැසිරුනේ සිහි මඳ වූවෙකු ලෙසිනි, කිසිවෙකුටත් වැඩිපුර මුහුණ නොදුන් ඔහු, සෑම විටකම පාහේ ඇයව මගගැරියේය. දුරකථනයද කිසිවිටකත් වැඩකරන්නේ නැත. ඔහු දින කිහිපයක්ම රැකියාවටද නොපැමිණියේය. අන්තිමට ඇයට ආරන්චිවුයේ ඔහු වෙනත් රැකියාවක් සොයාගැනීමට උත්සාහ කරන බවයි. හදීසියෙන් ඇයව මුණ ගැසුණු විටදී ඔහු "මාව අමතක කරන්න - ප්ලීස්" යනුවෙන් පවසා ඉක්මනින්ම එතැනින් මාරුවිය.

මොහුගේ මේ වෙනස්වීමට හේතුව ඇයට නම් මහත් ප්‍රහේලිකාවකි. ඔවුන්ගේ නිවසින් ඇයට අකමැති වන්නට කිසිඳු හේතුවක් නැත. තවද ඇගේ නිවසින්ද ලොකු බලපෑමක් නැත. මොහු තමන්ව අනාතකර දමා යන්නට සදන සළෙලෙකුදැයි විටක ඇයට සිතුණි. එහෙත් පෙර සිදුවීමෙන් මාස හතරක් ගතවුනු තැන අදද ඔහුගෙන් ඇයට බලපෑමක් නැත. ඇයට මෙය මහා ප්‍රහේලිකාවකි එයට උත්තර ඇත්තේ ඔහු ලඟම පමණී. 
"මොඩයා මොකක් හරි සිම්පල් කේස් එකකට පිස්සු නටනවා ඇති. " ඇය ඇයටම කියා ගත්තාය.


"බහින්න.."

වෙනදා පැමිනෙන අවන්හලමය. කිසිවත් නොකියාම ඔවුන් දෙදෙනා ඔවුන්නට හුරුපුරුදු මේසය වෙත ගමන් කලේය. ඇය එක එලේලේම ඔහුගේ දෑස් දෙස බැලීය. ඔහුගේ දෑස් ඇගෙන් වහන් වන්නට අසීරු උත්සාහකය. 

"මොකක්ද ඔයාට වෙලා තියෙන්නේ..?"

"මට පිස්සු හැදිලා .. අනේ ප්ලීස් ප්ලීස් මාව අමතක කරන්න.."

"අමතක කරන්නං මෙච්චර දුර එන්න ඕනද? විකාර නැතුව මොකක්ද වෙලා තියෙන්නේ කියන්න..?"

ඇගේ පෙරැත්ත කිරීම්, තර්ජනය කිරීම්, හඬාවැලපීම්, හමුවේ අවසානයේ ඔහුට පරාජය වන්නට සිදුවිය. 

"මට සමාවෙන්න.."

"ඔය ආයෙත් මුලට එන්න හදනවා, දැං හොද ළමයා වගේ මොකක්ද උනේ කියන්න ?"

ඉද සිටි අසුනින් නැගිට ගත් දිනේෂ් අවන්හලෙහි ශීතකරණයවෙත ගොස් එහි ඇති සිසිල් වතුර බෝතලයක් ගෙන එක හුස්මට එය බීගෙන බීගෙන ගියේය. හිස් බෝතලය මේසය මතින් තැබූ ඔහු දෙඅත් මේසය මත තබා මදක් ඇගේ මුහුණ දෙසට එබීණ.

"අර මහව තියෙන සුපර් සිටි එක කාගෙද?..,"

"අයියෝ මං දවසක් කිව්වේ ඒ බිල්ඩිම අපේ තාත්තගේ දැං සුපර් සිටි එකට කුලියට දීල තියනවා. දැං ඒකේ මාසේ කුලිය වැටෙන්නේ මගේ එකවුන්ට් එකටනේ "

"කුලියක් මං ඇහුවෙ නෑනේ ඔය මගුල දාන්න කලින් ඔතන මොකක්ද තිබුනේ?"

"අනේ ඇයි මේ විකාර කථා කියන්නේ .. හරි හරි.. මං මුල ඉඳන්ම කියන්නං කෝ අහගන්න, අපේ තාත්තලාගේ මහ ගෙවල් මහව ඒකාලේ තාත්තා ඔතැන  පොඩි බුක්ෂොප් එකක් දාගෙන ඉඳල තියනවා. අම්මව මැරිකලාට පස්සෙ මෙහෙට ඇවිත් පදිංචිවෙලා, පස්සේ ඔතන අලුතින් බිල්ඩින් එකක් හදලා සුපර් සිටි එකට දීලා තියෙනවා.. එච්චරයි"

යලිත් ටික වේලාවක දැඩි නිහඬතාවකි. ඇය බලාපොරොත්තු සහිතව ඔහුදෙස නෙත් යොමාගෙනය. ඔහු මුහණ පහතට හරවා දෑසින් වැටෙන කඳුලු පිහිදමිනි. 

"දන්නවද ? " නිහඩියාව බිඳිමින් ඔහුගේ බිඳුනු හඬය..

"මොකක්ද?"

"අපේ අම්මා කලින් වැඩකරලා තියෙන්නේ ඔය බුක්ෂොප් එකේ තමයි"

-------------------------------------------------------


(නම් ගම් මනඃකල්පිතයි)
නිමි -


Sunday, June 17, 2018

ආයෙත් ආයුබෝවන් !!!

ආයුබෝවන් වාසනාවන්..

ආයේ මේකේ මකුලුදැල් කඩල දාන්න හිතුනා මිතුර..

ෂිහ්.. වසන්තයක්වත් නැති හැටි..

ලබන සතියේ  පොස්ට් එකක් දානවා...

මේ මුටිටියක් විතරයි...

ජ ය වේ වා !!!

Wednesday, April 26, 2017

යාන්හෑල්ලයාට දූෂණ චෝදනා රැසක් !!!!

යාන්හෑල්ලයාට දූෂණ චෝදනා රැසක් !!!!
ලඟදීම අත්තඩංගුවට..


Comments
සුමිත් කලණසිරි අතාරින්නෙපා.. තව ඕන්නිනං කියපං සංවිධායක කෙනෙක් එක්ක රහස් ගිවිසුමක් කියල.. චන්දේ කිට්ටු වෙනකං මං ඔව් ඔව් නෑ නෑ වගේ ඉන්නං.. 😀😁😂😃
UnlikeReply22 hrs
Suranga Liyanage ඔය හැමෝගෙම පයිල් මාගාව තියෙනවා. පයිල් ගෙනියන අක්කෙකුත් වෙනම ඉන්නව.
UnlikeReply31 hr
සුමිත් කලණසිරි ආන්න.. දිව බොරු කියන්නේ නෑ.. අනියං සම්භන්දතා ගැන අපේ චෝදනා සුරංග ප්‍රසිද්ධියේ පිළිගනී..
UnlikeReply11 hr
චාමර විදානපතිරණ නදීකා හේමාලි අනියම් සබඳතා ගැන සැකෙන් සුරංගයා දෙකඩ වෙයි??
LikeReply31 hr
Akalanka Disanayaka රත්තරන් කාර් එකක් ඕඩර් කරලා... මෙන්න ෆයිල්.
UnlikeReply22 hrs
Suranga Liyanage කහ පාට පේන්ටෙක අව්වට පිච්චිලා රත්තරං පාට්ට පේන්නෙ අපෙ හාන්දුරුවනේ
UnlikeReply21 hr
චාමර විදානපතිරණ නදීකා හේමාලි අපි පරව් කවුද කියලත් දන්නවා පරයා කවුද කියලත් හරියට දන්නවා හරිද...............................
LikeReply21 hr
Sinethra Gamage මං දෑහින්ම දැක්කා රත්තරන් අස්සයෙක් ගැටගහල ඉන්නවා මිදුලෙ කොට්ටං ගහේ..
UnlikeReply22 hrs
Suranga Liyanage ඒ මගේ වැටෙං එපිටහ ලෝයර් නෝනගෙ මිදුලේ. අපේ වත්තෙ කොට්ටං ගස් නෑ. තියෙන්නෙ එහෙං වැටෙන කොල ඉතරයි.
UnlikeReply11 hr
සුමිත් කලණසිරි රත්තරං පූසෝ දෙන්නෙක් ලඟදිත් ගෙනත් තිබ්බා..
UnlikeReply12 hrs
Suranga Liyanage බලල්ලු දෙන්නා කලෙකිං නෑව්වෙ නෑ. උං දුඹුරු පාට ගැහිලා. ඒකයි රත්තරං පාට. නාවපු ගාං අධිකරණයට ඉදිරිපත් කරනවා අපෙ හාන්දුරුවනේ.
UnlikeReply41 hr
සුමිත් කලණසිරි දේයි..දේයි..දේයි.. කෝ පපුවට ගහගන්න සද්දේ?
UnlikeReply11 hr
Akalanka Disanayaka ඒ පූසො කන්නෙ රත්තරන් මාළු(ගෝල්ඩ් ෆිශ්.).රෙන්නෙ රත්තරන් බෙටි.මිනිහා ගේ ඇතුලෙම ඒකට කේ.පී කියල බේසම් තියාගෙන එකතු කරනවා.. මේවා බළල් ගූ අවභාවිතා කිරීම්
UnlikeReply22 hrs
සුමිත් කලණසිරි බෙරි ඔන් ද කැට් ශිට් berry on the cat shit කියල රනවිරුවන්ට අපහාස වෙන විදියේ ෆිල්ම් එහෙකුත් හැදුවා ඒ සල්ලි වලින්..
UnlikeReply32 hrs
Akalanka Disanayaka ඇන්ජියෝ සල්ලි අරන් රේඩියේක එපා කිරීමේ ව්‍යාපෘතියකත් පෙරගමන් කරු.
UnlikeReply32 hrs
චාමර විදානපතිරණ නදීකා හේමාලි පොජෙක්ටෙකේන් තැකිවූ යකඩ කිලෝ දස දහසක් යාන්හෑල්ලයාගේ වැසිකිලි වලෙන් මතුවෙයි..
UnlikeReply22 hrs
Sinethra Gamage රත්තරන් කිලෝ දස දහස රස පරීක්ෂණ වාර්තාවේදී යකඩ වෙලා ..

- u reporter
UnlikeReply41 hr
Akalanka Disanayaka රස පරීක්ශණයට යොදාගත් ඉතාලි රසායන ද්‍රව්‍ය ගැන සැකයක්.ටෙන්ඩර් මගඩියක් දැයි පරීක්ශණ ඇරඹේ
LikeReply11 hr
Sinethra Gamage සුරංගගෙ ආච්චිගෙ නමට වෝඩ් ප්ලේස් එකේ ගෙයක් ඇති බව හෙලිවෙයි..පුංචම්මගේ නමින් තරු හෝටලයක්.ළඟදීම සියල්ල හෙලි කරනවා.

- යාලු ඇනෝ
UnlikeReply32 hrs
Suranga Liyanage ඒව හෙලිකරන්න එපා. පුංචම්මා ඒකත් විකුණයි.
UnlikeReply21 hr
චාමර විදානපතිරණ නදීකා හේමාලි ඔය කියන්නේ වහාම වත්කම් ගෙලිකරනු!!
LikeReply11 hr
සුමිත් කලණසිරි Suranga Liyanage මෙහෙට එන්න.. ඇවිත් මේවට වග කියන්න..
UnlikeReply12 hrs
සුමිත් කලණසිරි මේ සියල්ලෙ මහ මොලකරු ඕස්ට්‍රේලියාවේ වෙසෙන වෛද්‍යවරයෙක්දැයි සැකයක්.. (ඒ ගලෙන්ම තව කුරුල්ලෙක්)
UnlikeReply21 hr
Suranga Liyanage වෛද්‍යවරයා මේ දිනවල තස්මේනියාවේ හේනක් කොටන බැවින් කුමන්ත්‍රණ කරන්නට වේලාවක් නැත.
UnlikeReply31 hr
Çhampika Prasanna හම්බවෙච්ච කොමිස් කුට්ටියෙන් ගන්න මේ දවස්වල කාර් හොයනව.
UnlikeReply31 hr
Suranga Liyanage හතු කබලක් කරගැස්වීමට සියළු දෙනාගේ කුමන්ත්‍රණයන්
UnlikeReply21 hr
චාමර විදානපතිරණ නදීකා හේමාලි සත්‍ය හෙලි කිරීම කුමන්ත්‍රණයක් වන්නේ කෙසේද???
LikeReply1 hr
චාමර විදානපතිරණ නදීකා හේමාලි යාන්හෑල්ලයාගේ දර මඩුව තුලින් සැහැල්ලු ගුවන් යානයක් මතුවෙයි
LikeReply31 hr
සුමිත් කලණසිරි හුකා.. දරමඩුව හදලා තියෙන්නේ රනවේ එකක් බලෙන් අත්පත් කරගෙනද? එහෙනම් තව චෝදනාවක්..
UnlikeReply21 hr
Çhampika Prasanna සුරංගයාගේ පුත් තල් සූකිරිට පෞද්ගලික රූපවාහිනී නාලිකාවක්.
බාහිර විකාශණ රථයක් ගබඩාවකින් අසුවෙයි.
UnlikeReply11 hr
Sinethra Gamage ටිකිරි සඳමාලිගේ කාමරයත් AC කරලා.. අබාන්ස් ආයතනය නඩු මගට.
UnlikeReply41 hr
Sinethra Gamage එකම චැසි අංකයන් සහිත අධිබලැති( තැපැල් නයින්ටි) යතුරු පැදි දෙකක් සුරංගගේ කාර්‍යාලයෙන් හමුවෙයි.අපරාධ සඳහා යොදාගෙන ඇත්දැයි සැකයක්..
UnlikeReply31 hr
Çhampika Prasanna යතුරුපැදි ගමන්ගත් මාර්ග සොයා කාර්යාලය අවට CCTV දර්ශන පරීක්ෂාවට ලක්කරයි.
UnlikeReply21 hr
Sinethra Gamage දර්ශන අපහැදිලියි.වැඩිදුර පරීක්ෂාවට කොළඹ සරසවියට.
UnlikeReply31 hr
Sinethra Gamage පූජා කරන්නම් මලක් සුරා නමින්
ඉන්නවා ටත් වඩා ඉන්න සතුටින් ඔයා 😍😍😍
LikeReply1 hr
Suranga Liyanage බාහිර විකාශන රථයක් නෙවෙයි ඒ අපේ නැංදම්මා සුවාමීනි. උන්දැගෙ කට,ටිකක් සැරයි.
UnlikeReply41 hr
Sinethra Gamage ඒ චෝදනාව අවලංගුයි.

අපේ නැන්දම්මලත් ඒ රථ ම තමයි 😃😃
LikeReply31 hr
LikeReply3 mins
චාමර විදානපතිරණ නදීකා හේමාලි නැන්දම්මා විකුනන්නද හදන්නේ
LikeReply11 hr
Çhampika Prasanna ටිකිරි සඳමාලි උඩ යැවූ රොකට්ටුවට උන ‍දේ සොයා පරීක්ෂණ
UnlikeReply11 hr
Ajith Dharmakeerthi Ude pandara hina vela pana giya yakune- long live bloggers
UnlikeReply251 mins
Suranga Liyanage අපි නං දවල්ටත් කාලා නිදි
UnlikeReply350 mins
Ajith Dharmakeerthi Vadata yanne nathda
UnlikeReply126 mins
චාමර විදානපතිරණ නදීකා හේමාලි මූ ඔය වැඩට ගොහිං තමයි...
LikeReplyJust now
UnlikeReply126 mins