පැතුම....!!!

රට විකුණා, ඌ හැදෙනා,

හැටි පෙන්නන, මහ රජාට....

ගල් පැලෙනා, බොරු කියනා,

බුල කෙලිනා, ඇමතියන්ට....

හතර හිනා, මට ගෙනෙනා,

අලි බලනා, පිංපියාට....

මග හිඳිනා, කෑ ගසනා,

රතු අඳිනා, අයියලාට....

බණ දෙසනා, අප අසනා,

ඔළු පලනා, හිමිවරුන්ට....

බොරු කියනා, පිල් බෙදනා,

මොල නසනා, මාධ්‍යයට...

 

කුඩු ගෙනෙනා, කුඩු බෙදනා,

කුඩු ගසනා, හැමදෙනාට...

මල් වවනා, මල් බෙදනා,

මල් ගහනා, හැම දෙනාට...

ගල් හදනා, ගල් බෙදනා,

ගල් ගසනා, හැම දෙනාට...

බඩු ගෙනෙනා, බඩු කියනා,

බඩු ගසනා, හැම දෙනාට...

අත පානා, දුක කියනා,

ප්‍රාඩෝ ඇති, හිඟන්නන්ට....

පච හලනා, වලි සොයනා,

බ්ලොග් ලියනා, හැම දෙනාට...

වැඩ කරනා, කටු ලොවිනා,

පඩි තකනා, හැම දෙනාට...

බොරු අසනා, ලේ හලනා,

දුක් විඳිනා, මිනිස්සුන්ට....

ඡන්දය දෙන, ඡන්දෙ නොදෙන,

හරක් හදන, මී හරක්ට.....

 අන්තර් ජාලයෙන් ගත් ඡායාරූපයකි

සියළු යහපත් පැතම් ඉටුවන වාසනාවන්ත සුභම සුභ අළුත් අවුරුද්දක් වේවා!!! 

ජය වේවා!!!

-----------------------------------------------------------------------------------------------------------------------------

බ්ලොග් කරුවන්ගේ මහා බක් මහ උළෙල 2014-04-20 වැනිදා..

අයදුම් පත සසිදුගේ බ්ලොග් එකේ තියනවා...

ඔබ අප හමුවිය හැකි සොඳුරු අවස්ථාවක්..

හැමදෙනා හමුවිය හැකිවේවායි පතමු...